Urban Warriors e fapha Amazulu!!!

Athlone: Cape Town Spurs e faphile Amuzulu ka dino di le tharo (3) go ele nngwe (1) mo motshamekong wa DStv Premiership kwa lebaleng la Athlone. Phenyo eno e tla ka nako e “The Urban Warriors” ba lekang ka natla go ipona ba ntse ba le DStv Premiership mo setlheng se se latela go.

Ashley Cupido yo o tseneng mo karolong ya bobedi ya motshameko, o fitlhile a fetola selebo sa motshameko gotlhelele le go nosa dino di le pedi tse di botlhokwa. Boitumelo Radiopane o ne a boetse mo motshamekong morago ga kgobalo ya sebaka se se leele e a e boneng kwa metshamekong ya go tlhatlosediwa mo legeng ya DStv Premiership ya 2023.

Radiopane o nnile le motshameko yo o namatshang le fa go ne penale ya gagwe ene ya sireletswa ke Olwethu Mzimela mo karolong ya pele ya motshameko. Motshamiki yono o bontshitse fa a tsepame go ka boela mo lebaleng.

Mokapoteni yo moswa wa Cape Town Spurs Chumani Butsaka le ene o bontshitse tshameko e e tswileng diatla le go nosa nno ya pele mo metsotsong ya ntlha ele lesome tlhano motshameko o tsweletse pele. Seno ene ele nno ya pele ya ga Butsaka ya setlha. Abbubaker Mobara o noseditse Amazulu nno ya phimola Kele di mo motsotsong wa masome a mararo nngwe.

Phenyo e no e tsosolositse mowa wa tsholofelo kwa setlhopeng seno ele fa loeto lwa bone la setlha le tswelela le fa go ne setlhopha se le kwa mogatleng wa lega.