Metshameko ya School Sports Program e tsweletsa maitlhomo a yone
Luka Sports Ground ene ele serala sa ditiragalo, boitumelo le kgaisano e e tswileng diatla, fa go ne go tshwerwe kgaisano ya bobedi ya Metshameko School Sports Program e eneng e rulagantswe ka tshwaraganelo le Impala Rustenburg, Royal Bafokeng Holdings le Royal Bafokeng Sports mo ditlhopa tse dineng di gaisana di bontshitseng talente le lerato la batshameki ba ba nnye.
Kgaisano eno ene e thologetswe ke barati le balatedi ba kgwele ya dinao ba baneng ba tladitse lebala go lebelela fa ditlhopa tsa dikolo di isana tlase le godimo.
Dipholo tsa metshako di eme ka tsela e e latelang
U17 soccer
Motshameko magareng ga Meriting le Sekete o fedile ka maleka a nno setlhopa (1-1), mme Sekete ene ya fenya motshameko ka dino dile tlhano go di le nne (5-4) morago ga thago ya di penale.
U13 soccer tshameka e e manontlhotlho fa ba ne ba ripitla Photsaneng ka dino dile nne go ele nngwe (4-1)
Platinum Village e bontshitse
U17 soccer
Motshameko yo oneng o rokotsa mathe magareng ga Platinum Village le Tshukudu o ne wa fela ka maleka a dino dile pedi setlhopha (2-2). Tshukudu ene ya fenya motshameko ka dino dile thataro go tse tlhano morago ga thago ya di penale (6-5)
Metshameko School Sports Program ga efe fela batshameki tshono ya go bontsha talente le bokgoni jwa bone mo lebaleng mme e ba ruta gonna le mowa wa batshameki. Kgaisano eno e bontshitse botlhokwa jwa go godisa metshameko le go tshela botshelo jo bo itekanetseng
Kgaisano eno e e atlegileng thata e tlogetse barati le balatedi ba Kgwele ya dinao ba santse ba galala ebile ba fela pelo gore e boa leng gape mo ngwageng yo o tlang. | Tshedimosetso ka Naledi News
