SEJANA SA BLACK LABEL SE BOILE

Johannesburg: Gone go tshwerwe kgogo ya ditlhopa dile lesome thataro tse di tla gaisanang mo metshamekong ya sejana sa Carling Knockout. PSL le Carling Black Label ba ne ba itsesitse semmuso ka sejana seno mo ngwageng yo o fetileng, eleng se se tla tsenang mo legatong la sejana sa Telkom Knockout se se tshamekilweng lwa bofelo ka ngwaga wa kete pedi lesome robongwe (2019) fa sene se fenngwa ke Mamelodi Sundowns ka dino dile pedi go ele nngwe kgatlhanong le Maritzburg United.

Sejana seno sa Carling Knockout setla tshamekwa ka selebego le mokgwa yo oneng o dirisiwa ka motsi wa sejana sa Telkom Knockout, eleng go tloga ka legato la ditlhopa dile lesome thataro go fitlha ka makgaolakgang.

Orlando Pirates e e satswang go fenya MTN8, e tla amogela setlhopa se se sa tswang go boela mo PSL sa Cape Town Spurs fa Mamelodi Sundowns e tla etela TS Galaxy ka maiteko a go sireletsa bosimega jwa bone. Kwa lebaleng la FNB Kaizer Chiefs e tla amogela Amazulu fa ba tlabe ba leka go ntsha sekwakwalala sa dingwaga dile robedi ba sa fenye sejana.

PSL e tla itsise mo nakong e e sa fediseng pelo matlha, dinako le mafelo a metshameko eno e tla tshwarwang ka o ne, e tla itsese gape madi a a tla gapiwang go akaretse lefelo le makgaolakgang a tla tshwarwang gone.

Kgogo ya metshameko yotlhe e eme jaana

Sekhukhune United VS Royal AM

Orlando Pirates VS Cape Town Spurs

Supersport United VS Polokwane City

TS Galaxy VS Mamelodi Sundowns

Chippa United VS Stellenbosch

Richard bay VS Moroka Swallows

Kaizer Chiefs VS Amazulu

Lamontville Golden Arrows VS Cape Town City

Re sa le foo sejana sa Carling Black Label se boa ka ipoa kgatsu gape mono ngwaga. Mo setlheng se se fetileng ditlhopa dile nne eleng Amazulu, Chiefs, Pirates le Sundowns dine tsa tsaya karolo mo sejaneng seno. The Brazilians jaaka ba itsiwe ba ne ba fenya Pirates ka dino dile nne go gapa bosimega.

Mo setlheng seno balatedi ba tla tlhopa batshameki ba PSL ba o ba batlang go ba bona ele karolo ya setlhopa se se tla itsegeng ka Carling All-stars, se se tla nkgisanang magwafe le mofenyi wa sejana sa Carling Knockout mo motshamekong yo o tla tshamekelwang kwa Polokwane fa Ferikgong a tlabe a tlhola matsatsi a le marataro. | Tshedimosetso ka Farpost