MOTSOTSO WA TIDIMALO GO TLOTLA KGOSI MANGOSUTHU BUTHELEZI!!!

Go tla nna le motsotso wa tidimalo mo metshamekong yotlhe ya Premier Soccer League (PSL) go tlotla Kgosi Mangosuthu Buthelezi yo o tlogetseng lefatshe le le ka kwano.

PSL e utlwisitswe botlhoko ke go tlhokofala gwa ga Kgosi Mangosuthu Buthelezi, yo PSL e tlhalosang leso la gagwe jaaka “go wa ga setlhare se segolo”

PSL e itsisitse fa go tla nna le motsotso wa tidimalo go mo tlotla mo metshamekong ya bokhutlo jono jwa beke ya DStv Premiership, Motsepe Foundation Championship le DStv Diski Challenge. 

PSL e rometse molaetsa wa matshediso go masika o Rra Buthelezi le setshaba sa mazulu ka kakaretso.