NWU EAGLES E SUTLHELELA KWA SEKA MAKGAOLAKGANNYENG!!!

Mo motshamekong yo oneng o tseisa manya kwa lebaleng la metshameko la Davidson kwa Kapa Botlhaba, setlhopa sa North-West University Eagles (NWU) se fentse le go sutlhelela kwa legatong la seka makgaolakgang la Varsity Football 2023.

Motshameko o simolotse ditlhopa ka bobedi di bontsha maikaelelo mo lebaleng. Go neelwa ga batshameki dikarata tse di serolwana ka bontsi go bontshitse gore maikutlo a ne a le kwa godimo mo Motshamekong ono.

Reatlegile Kgosithebe o ne a nosa mo metsotsong ya pele ya karolo ya ntlha morago ga go amogela kgwele go tswa go Heaven Sereetsi. Metsotso ele lesome tlhano mo karolong ya bobedi Sinobom Kapase o ne a lekalekanya dino fa a ne a nosetsa ba amogela baeng eleng UFH .

Kgabagare motshwara dino wa setlhopha sa NWU e ne ya nna mogaka mo motshamekong ono morago ga go nosa nno ya phenyo.

Mokapotene wa setlhopa sa NWU Kanalelo Motsoeneng a re o itumeletse phenyo ya bone ba etile kgatlhanong le UFH. A re mogopolo wa bone batla o tsepamisa mo motshamekong wa bone yo o latelang kgatlhanong le University of Johannesburg (UJ) fa Lweetse a tlhola matsatsi a le lesome nne (14 September) kwa lebaleng la metshameko la UJ. Motsoeneng a re le fa go ne go se bonolo go fenya UJ kwa lebaleng la bone fela setlhopa se malala a lotswe go tlhanaka e e matlho mahibidu.

Banosi ba dino: Reatlegile Kgosithebe (2) (NWU)

Sinobom Kapase (1) (UFH0

Motshamiki yo o gaisetseng wa kgaisano ya FNB Varsity Football: Lesego Motsepe (NWU)