Orbit College e tsweletsepele go fenya go fitlhelela maemo a a kwa godimo mo kgaisanong ya Motsepe Foundation Championship

Chatsworth: Orbit College e tsweletsepele go fenya go fitlhelela maemo a a kwa godimo mo legeng ya Motsepe Foundation Championship. Orbit College e fentse setlhopa sa Platinum Rovers 2-1 mo motshamekong wa pulamadibogo, pele ga e tla fenya setlhopha sa Milford 0-1 ka Lamatlhatso. Re sale foo Milford, e e kileng ya tshameka kwa legeng ya ABC Motsepe mo malobeng, e latlhegetswe gabedi mo setlheng seno sa kgaisano ya 2023/24 National First Division (NFD).

Milford e fentswe ke setlhopa sa Maritzburg United se se beetsweng thoko mo kgaisanong ya DStv Premiership. Casric Stars e boile kwa morago, mme e fentse Black Leopards 1-0 kwa lebaleng la motshameko la Thohoyandou ka Lamatlhatso.

Cape Town Spurs e bone tshono ya go tlhatlosediwa go ya go gaisana le ditlhopha tse dingwe tsa DStv Premiership, morago ga go dira botoka gona le Casric Stars le Maritzburg United.

Polokwane City e fitlheletse bosimega jwa kgaisano ya NFD mmogo le setlhopa sa Cape Town Spurs. Setlhopa sa maloba sa DStv Premiership, Marumo Gallants e tshamikile maleka kgatlhanong le setlhopa sa Hungry Lions. Ka go tlhoka lesego le go supa maikaelelo a go fenya kgaisano ya Confederation of African Football (CAF), Marumo Gallants e e tlholegileng kwa Limpopo e fentswe ke makawana a setlhopa sa Young Africans sa kwa Tanzania ka nako ya seka makgaola kgang. Setlhopa sa Baroka se tshamikele maleka a 2-2 kgatlhanong le Platinum City Rovers kwa lebaleng la motshameko la Isak Steyl.